生日已過2日，我21歲女啦⋯

今年生日好開心，

肥姑整咗粒蛋糕比我，

上面鋪滿kitkat，食到爽yy～

仲封咗封紅包比我 ^_^

今年生日無咩特別慶祝，

到12點吹蠟燭，吹完就訓嚕，

起身時已經係下午2點 lol

周日時間過得特別快，

食咗個豐富午餐就返屋企了～

Haha 唯一特別既就係⋯

生日竟然汁房間，

將d櫃同檯移嚟移去lor

做呢d野原來好攰，

尤其係幫手小白托住個吊櫃果陣 😱

而家間房感覺上空間多咗 @@

我真係唔係流架，

移走咗，舒服幾多！！！

4月16日

今日既病容真係難以形容　/o\
病咗～ｓｏ無返工～
早幾日發現咗樣好唔公平既事ｌｏｒ
感覺上好似整間公司得我一個比老細恰緊咁
岩岩開始做果陣仲以為自己遇到個好好既老細
點知原來唔係佢好好　係我好好　所以先凈係恰我一個　ｆｘｘｘ

最近返工好無ｍｏｏｄ
越惗越無甘願越唔爽越覺得做唔落去～
唉～但換工實比人話我份份都做唔長＠＿＠
雖然係事實～ｈａｈａ～
但係做工做得唔開心～好影響身體健康ｌｏｒ
話曬係公司既時間咁長～仲長過係屋企既時間ｗｏｒ
梗係要做到開開心心～快快樂樂～樂也融融先可以長長久久就架嘛～

一開始我撲心撲命咁黎幫你做～
你以為我好恰～比我發覺一次又一次咁黎恰我～
而家．．．我唔會再攞個心出黎幫你搏～你都唔怪得我～
以前幫我姑姐打工我都未咁為過佢～

哼～唔提呢個老細了～
提提我既小白啦～
最近感情ｏｋ咗好多～
少咗吵交～幾乎日日都好ｓｗｅｅｔ咁～
呵呵～到底係感情好咗定係淡咗呢？
唔係話連交都懶得吵就等於唔再愛了？
而家的確好懶同佢吵ｘＤ

婆婆，三姑姐，四姑姐，四姑丈都見過佢嚕～
佢地幾位對小白都無咩意見～
而且四姑姐同四姑丈都幾ｌｉｋｅ佢～
四姑丈仲好好奇～點解肥姑同佢老公會咁唔妥小白～
好地地既一個人～比佢地批評到一文不值～
見都未見過就話人地比唔到幸福我．．．

雖然知道佢地所有人都係為我好～
但係自己話曬都係選擇既～點都想得到屋企人支持既～
幸好婆婆話我鐘意就ｏｋ～佢無咩意見＝）
婆婆ｏｋ就ｏｋ了！

ｈａｈａ無端端呢篇野用咗廣東話～自己睇得明就ｏｋ啦～～～
日記本來就唔係比人睇既野～
比人睇既就唔係日記了～係傳記了～ｈａｈａ